Dyshohet se edhe ky rrjet i njohur i marketeve në Kosovë tash e sa ditë ka mashtruar klientë të saj me rritjen e çmimeve të vajit dhe heqjen e produkteve nga raftet e marketeve me arsyetimin sa ka mungesë të tyre.
Kurse, ministrja e Drejtësisë, Albulena Haxhiu, ka mirëpritur veprimet e policisë së Kosovës dhe Prokurorisë kundër abuzuesve me çmime të produkteve.
Në orët e vona të së enjtes është raportuar për aksione të Krimeve Ekonomike në disa depo ushqimore pas rritjes enorme të çmimeve të produkteve gjatë ditës, konkretisht të vajit ushqimor.
Haxhiu inkurajon qytetarët që të vazhdojnë me raportimin e shkeljeve.
“Është për tu mirëpritur veprimi i përbashkët i policisë dhe prokurorisë në ndërmarrjen e masave kundrejt abuzimit me çmimet e produkteve ushqimore bazike. Inkurajoj edhe qytetarët që të vazhdojnë raportimin e shkeljeve. Vetëm bashkëpunimi i ndërsjellë ndalon keqpërdorimet e abuzimet e tilla”, tha ajo.
