Komandanti i KFOR’it, gjeneralmajori Ferenc Kajari, ka qëndruar sot në Beograd ku është pritur në takim nga shefi i Shtabit të Përgjithshëm të ushtrisë serbe, Milan Mojsiloviq.
Temë e bisedës mes tyre ishte situata aktuale e sigurisë në Kosovë , si dhe “zbatimi i aktiviteteve të përbashkëta të ushtrisë serbe dhe KFOR-it në ruajtjen dhe përmirësimin e paqes dhe sigurisë”.
“KFOR është aktori i vetëm legjitim i sigurisë dhe përgjegjës për sigurinë e popullatës në Kosovë, lirinë e lëvizjes dhe mbrojtjen e shtetasve serbë, trashëgimisë kulturore, historike dhe fetare”, ka thënë Ministria e Mbrojtjes së Serbisë.
Kajari shkoi në Beograd me ftesë të Mojsiloviqit, i cili tha se “takime të tilla të nivelit të lartë kontribuojnë në përmirësimin e situatës së përgjithshme të sigurisë në terren dhe sigurinë e popullatës sonë në Kosovë”.
