Protesta e organizuar nga ish kryeministri Sali Berisha ka qenë në qendër të debateve ditët e fundit, ku më e diskutuar ka qenë pjesëmarrja.
Ish-deputeti i Partisë Demokratike, Klevis Balliu ka një përgjigje për të gjitha sulmet që sipas tij i janë bërë protestës së 7 korrikut, duke theksuar se pjesëmarrja ka qenë massive.
“Sulmet ndaj protestës faktojnë suksesin e saj. Pjesëmarrja masive në protestën e lirisë përçoi mesazhin e shpresës dhe nevojën për ndryshim. Kjo faktohet edhe nga sulmet e kordinuara të aparatit shtetëror me gjithë pushtetin mediatik, analistët e paguar, deputetët e PS dhe në krye të sulmuesve ishte Lali inceneratori. Protesta tmerroj regjimin e Rilindjes, qytetarët janë fuqia e vërtetë. Shkojmë përpara të bashkuar për të kthyer vendin në shinat e demokracisë”, tha Balliu.
