Edhe në 24 orët e fundit është shfaqur interesim i ulët për t’u vaksinuar kundër COVID-19.
Vetëm 3 mijë e 658 vaksina janë administruar në 24 orët e fundit në Kosovë.
Kështu është bërë e ditur nga Ministria e Shëndetësisë.
Nga kjo ministri kanë treguar se deri tani janë administruar 1 milion e 585 mijë e 44 vaksina.
842 mijë e 214 persona janë të vaksinuar me dozën e parë të vaksinës.
“Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon: Në 24 orët e fundit janë dhënë 3.658 doza të vaksinës kundër COVID-19. Prej fillimit të vaksinimit në të gjitha qytetet e Kosovës janë dhënë 1.585.044 doza të vaksinës. Deri më sot 742.830 qytetarë janë vaksinuar me dozën e dytë. Nga 1.719 testime, 11 qytetarë kanë rezultuar pozitiv me virusin COVID-19”, është bërë e ditur nga MSH.
